Aldymyzda aýqymdy jumystar kútip tur - senator
***
Memleket basshysy Qasym-Jomart Toqaev Qazaqstan halqyna Joldaýynyń Parlament sessııasynyń jańa maýsymynyń ashylýynda jarııalanýy depýtattardyń zań shyǵarý qyzmetiniń baǵytyn naqty aıqyndaýǵa yqpal etedi. Bul óz kezeginde jańa saıası maýsymdy jańa mindetter, tapsyrmalar kútip turǵanyn, olardy júzege asyrýǵa bıliktiń barlyq tarmaqtary jaýapty ekendigin ańǵartady. Árbir Joldaýdyń jarııalanýy – bizdiń qoǵam úshin memlekettik deńgeıdegi mańyzdy oqıǵa.
Prezıdent Joldaýynda memlekettegi, qoǵamdaǵy barlyq qordalanǵan máselelerdiń túıinin sheshýge bas burǵany kórinedi. «Halyq únine qulaq asatyn memleket» tujyrymdamasynyń oryndalýyn kórsetti desek bolady, sebebi qoǵamda buryn talqylanyp júrgen máseleler aıtyldy. Tıimdi memlekettiń negizi – memleket pen halyq arasyndaǵy senimdi qarym-qatynas ekendigin kórsetti.
Qasym-Jomart Toqaevtyń bul Joldaýy óziniń naqtylyǵymen jáne maqsattylyǵymen eldiń aldaǵy jyldarǵa arnalǵan damý baǵytynyń negizgi baǵyttaryn dóp basyp aıtty.
Meniń oıymsha Joldaýda mańyzdy bastamalar aıtyldy. Onyń biri Prezıdent janyndaǵy Reformalar jónindegi joǵary keńes pen Prezıdentke tikeleı baǵynatyn Strategııalyq josparlaý jáne reformalar jónindegi agenttik qurý týraly sheshimin alaıyq. Prezıdent Úkimettiń – bılik organy ekenin jáne azamattyq sektormen tyǵyz yntymaqtastyqta jumys isteýi kerektigin naqty aıtty.
Prezıdent Joldaýynyń bir baǵyty memleket damýynyń negizi bolyp sanalatyn bilim men ǵylym máselelerine arnalǵany qýantty. Sonyń aıasynda Memleket basshysy «Úkimetke jyl saıyn álemniń jetekshi ǵylymı ortalyqtarynda 500 ǵalymnyń taǵylymdamadan ótýin qamtamasyz etýdi, sondaı-aq, «Jas ǵalym» jobasy aıasynda zertteý júrgizý úshin 1000 grant bólýdi tapsyramyn», dedi.
Bilim berýdiń áleýetin arttyrý, onyń ishinde aldaǵy ýaqytta ustazdardyń jalaqysyn ósirý máselesi de josparlanýda. Pedagogtardyń jalaqysyn kóterý jáne olarǵa degen memlekettiń erekshe qoldaý kórsetýi bilim sapasyna oń áser eteri sózsiz.
Sondaı-aq, «Іshki ister mınıstrliginiń qurylymyn beıindi emes fýnktsııalardan bosatyp, qaıta qarastyrý qajet. Bul osy mańyzdy vedomstvo jumysynyń tıimdiligin arttyrady. Tabıǵı jáne tehnogendik apattar dáýirine engenimizdi eskere otyryp, Tótenshe jaǵdaılar mınıstrligin qaıta qurý qajet dep sanaımyn», – dedi Prezıdent.
Bul organ tótenshe jaǵdaılardyń aldyn alý men olardy joıý júıesin qurýdy jáne odan ári damytýdy qamtamasyz etý salasyndaǵy memlekettik saıasatty qalyptastyrýdy júzege asyratyny sózsiz.
Bizdiń aldymyzda kóptegen aýqymdy jumystar tur. Memleket basshysynyń barlyq bastamasyn iske asyrý úshin zańnamalyq qoldaý depýtattardyń jańa sessııadaǵy jumysynyń negizgi basymdyǵy deýge bolady.