Aldaǵy jylytý maýsymyna daıyndyq qazan aıyna deıin aıaqtalady
Eske salaıyq, brıfıng 2014-2015 jyldardaǵy kúzgi-qysqy jylytý maýsymyna daıyndyq barysyna arnalǵan bolatyn.
Vıtse-mınıstrdiń sózine qaraǵanda, búgingi kúni jergilikti atqarýshy organdar jylytý maýsymyna qatysty maqsat, mindetterin tolyq biledi. «Kúzgi-qysqy jylytý kezeńine ótý úshin olar energetıkalyq keshen kásiporyndarynyń jalpy daıyndyǵyn qazannyń 1-ine deıin 100 paıyzǵa jetkizýleri kerek», - deıdi B. Jaqsalıev. Onyń sózine qaraǵanda, qysqy jylytýǵa qatysty birshama probl e maly oryndar da bar, bular Semeı men Kókshetaý energokeshenderimen baılanysty.
«Almaty qalasynda magıstraldy jylý jelilerinde jóndeý jumystarynyń úlken aýqymy jalǵasyp jatyr. Qabyldanǵan sharalar senimdiligimizdi arttyra túsedi, jumystar óz ýaqytynda aıaqtalyp, qandaı da bir aqaýlar bolady dep oılamaımyz. Degenmen, Almatyda qysqy ýaqytta apattyq jaǵdaılar oryn alý múmkindigin de joqqa shyǵarǵymyz kelmeıdi. Bular negizinen jelilerdiń tozýymen baılanysty»- dedi vıtse-mınıstr. Onyń sózine qaraǵanda, búgingi kúni jylytý maýsymyna 3,6 mln tonna kómir, 105,3 myń tonna mazýt daıyndalǵan. «Bul bizdiń senimdiligimizdi nyǵaıtyp, qandaı da bir kataklızmder bolmaıtynyna sendire túsedi. Árbir stansa otynnyń normatıvtik qorymen qamtamasyz etilgen», - dedi B. Jaqsalıev.