Aldaǵy jyly «Qoljetimdi baspana-2020» baǵdarlamasy boıynsha 9,5 myń páter salynady

ASTANA. QazAqparat - 2015 jyly «Qoljetimdi baspana-2020» memlekettik baǵdarlamasy boıynsha 9,5 myń páter salynady. Bul týraly «QazAqparat» HAA resmı saýalyna QR Ulttyq ekonomıka mınıstrliginen habarlady.

Mınıstrlik málimetinshe, respýblıkalyq bıýdjet esebinen 2014 jyly nesıelik jáne jalǵa beriletin baspana aıasyndaǵy aýdany 626,4 myń sharshy metrdi qamtıtyn 8 myń páterdi paıdalanýǵa berý josparlanýda. Bıylǵy 9 aıda jalpy aýdany 2015,8 myń sharshy metrdi quraıtyn 3 700 páter tapsyryldy. Jyl sońyna deıin 410,6 myń sharshy metr kólemdegi 4 myń páterdi tapsyrý josparlanyp otyr.

Atap aıtqanda, 2015 jyly 770 myń sharshy metrge jýyq aýdandy quraıtyn 9 500-ge tarta páterdiń qurylysyn júrgizý qarastyrylǵan.

Jalpy, «Qoljetimdi baspana-2020» baǵdarlamasy aıasynda 2012-2020 jyldar aralyǵynda barlyq qarjy kózderi arqyly 69 mln. sharshy metr turǵyn úıdi salý qamtylǵan. Nátıjesinde 1 mıllıonǵa tarta otbasy nemese halyqtyń 20 paıyzǵa jýyǵy baspanamen qamtamasyz etiledi dep kútilýde.