Aldaǵy jylý berý maýsymyna daıyndyq shtattyq rejımde júrip jatyr

NUR-SULTAN. QazAqparat – Elektr qýattarynyń apattyq isten shyǵý jaǵdaılary jıiledi. Bul týraly Ortalyq kommýnıkatsııalar qyzmetinde Energetıka vıtse-mınıstri Jandos Nurmaǵanbetov aıtty, dep habarlaıdy QazAqparat tilshisi.

«Energııa óndirýshi uıymdardyń (EÓU) shekti tarıfteriniń qazirgi deńgeıi stantsııalardyń shyǵyndaryn tolyq kólemde jappaıdy. Bul derekter elektr qýattarynyń avarııalyq isten shyǵýynyń, tutynýshylardy elektrmen jabdyqtaý sapasynyń tómendeýiniń, sondaı-aq Qazaqstannyń birtutas elektr energetıkalyq júıesiniń qaýipsiz jumysynyń táýekelderi artyp kele jatqan jaǵdaılarymen rastalady», - dedi Jandos Nurmaǵanbetov.

Byltyrǵy sáıkes kezeńmen salystyrǵanda, tehnologııalyq isten shyǵý deńgeıi 20 paıyzǵa artty.

«Jalpy, aldaǵy jylytý maýsymyna daıyndyq shtattyq rejımde júrgizilip keledi. Júıelik operator bekitken Elektr stantsııalaryndaǵy jóndeý kestesine sáıkes, 2022 jyly 9 energoblokty, 60 qazandyq jáne 42 týrbınany kúrdeli jóndeý josparlanǵan. Búginde 2 energoblokta, 14 qazandyq pen 11 týrbınada jóndeý jumystary aıaqtaldy. 4 energoblokta, 38 qazandyqta jáne 18 týrbınada jóndeý jumystary júrgizilip jatyr», - dedi vıtse-mınıstr.

Budan buryn habarlanǵandaı, Jandos Nurmaǵanbetov Qazaqstannyń elektr energetıkasy salasyndaǵy eskirgen aktıvterdi jańartý kerek ekenin aıtty.