Aldaǵy jyldyń qańtarynan bastap Qazaqstanda memlekettik satyp alýlar tek elektrondyq ádistermen iske asyrylady

ASTANA. Jeltoqsannyń 7-si. QazAqparat /Rýslan Ǵabbasov/ - Aldaǵy jyldyń qańtarynan bastap Qazaqstanda memlekettik satyp alýlar tek elektrondyq ádistermen iske asyrylady. Bul týraly búgin Úkimette ótken selektorlyq keńeste Qarjy mınıstri Bolat Jámishev málim etti,

dep habarlaıdy QazAqparat.

 «2010 jylǵy qańtardyń 1-inen bastap elektrondyq satyp alýlar baǵalyq usynys ádisi boıynsha mindetti bolady, sondaı-aq basqa ádister paıdalanylmaıdy», dedi ol.

 B. Jámishevtiń aıtýynsha, elektrondy memlekettik satyp alýlar memlekettik qajettilikter úshin taýarlardy alý men qyzmet kórsetýlerge jumsalatyn bıýdjet shyǵysyn tómendetedi. 11 aıdyń qorytyndysy boıynsha elektrondyq memlekettik satyp alýlardy júrgizý quqyn ıelengen satyp alýshylar sany 18 341-di quraıdy. Onyń ishinde elektrondyq formatta satyp alýlardy iske asyratyn uıymdar - 4 710.

 «Elektrondyq satyp alýlardan qarjy únemdeý ortasha eseppen alǵanda 24-26 paıyz deńgeıinde. 11 aıdyń ishinde bul kórsetkish 25 paıyzdy qurady», dedi B. Jámishev.