Aldaǵy jyldary Qazaqstanda gaz óndirý kólemi arta túsedi - Munaı jáne gaz vıtse-mınıstri
Búgin «Qazaqstannyń Eýropa elderimen saýda-ekonomıkalyq yntymaqtastyǵynyń perspektıvalary» atty taqyrypta ótken konferentsııa barysynda Munaı jáne gaz vıtse-mınıstri (burynǵy Energetıka jáne mıneraldyq resýrstar mınıstrligi) Áset Maǵaýov osylaı málim etti, dep habarlaıdy QazAqparat.
«2009 jyly Qazaqstanda gaz óndirý 36 mlrd. tekshe metrdi qurady. Bunyń ishinde taýarly gaz óndirý 19,6 mlrd. tekshe metrge jetti. Sonymen birge, gaz resýrstary jınaqtalǵan Teńiz, Qarashyǵynaq, Qashaǵan sekildi negizgi iri ken oryndarynyń aǵymdaǵy tehnologııalyq óndirý shemasynyń basym jaǵdaıynda kendi tıimdi ódirý sharalary qamtylyp otyr. Degenmen, bundaı tehnologııalyq shemalarǵa bolashaqta ózgerister engizilýi múmkin. Óıtkeni, aldaǵy perspektıvada Qazaqstanda gazdy óndirý kólemi arta túsedi dep boljanady. Osyny esepke ala otyryp, elimizdiń gaz qubyrlary shemasyn damytýdy belsendi túrde júrgizý qajet», dedi Á. Maǵaýov.
Onyń aıtýynsha, sońǵy jyldary Qazaqstannyń gaz salasyna aıtarlyqtaı ınvestıtsııa quıyldy. Sonyń nátıjesinde Túrikmenstan-Qazaqstan-Qytaı gaz qubyrynyń birinshi kezegi aıaqtaldy. Al aǵymdaǵy jyly Batys Qazaqstan óńirin Qytaı shekarasymen jalǵastyratyn Qazaqstan-Qytaı gaz qubyryn salý qolǵa alynady. Budan bólek, úshjaqty kelisimder nátıjesinde Túrkimenstan-Qazaqstan-Reseı arasynda Kaspıı mańy gaz qubyryn salý týraly kelisim jasalǵan. Bunyń tasymaldaý qýaty jylyna 20 mlrd. tekshe metr gazdy quraıdy. Túrkimen tarapy atalǵan gaz qubyrynyń qýatyn 40 mlrd. tekshe metrge deıin arttyrý týraly ótinish jasaǵan bolatyn. Bul tasymaldanatyn qazaqstandyq gazdyń kólemin 10 mlrd., túrkimen gazynyń kólemin 30 mlrd. tekshe metrge deıin arttyra túsedi.