Aldaǵy jyldary halyqtyń áleýmettik mańyzy bar taýarlarǵa ketetin shyǵyny qysqarady

NUR-SULTAN. QazAqparat - 2022-2023 jyldarǵa qaraı halyqtyń áleýmettik mańyzy bar taýarlardyń shyǵystary 15%-ǵa qysqarady, dep habarlaıdy QazAqparat tilshisi.

Saýda jáne ıntegratsııa mınıstri Baqyt Sultanov Ulttyq taýar ótkizý júıesin qurý jónindegi jobany iske asyrý halyqtyń áleýmettik mańyzy bar azyq-túlik taýarlaryn satyp alý shyǵyndaryn 10-15%-ǵa deıin qysqartýǵa múmkindik beretinin málimdedi.

«Jalpy, 24 KTO-dan turatyn jobany iske asyrý qorytyndysy boıynsha ekonomıkalyq tıimdilik 1,2 trln. teńgeni quraıdy. Aýyl sharýashylyǵy taýaryn óndirýshilerdiń jemis-kókónis óniminiń ónimdiligi jylyna 460,0 myń tonna nemese 23,0 mlrd. teńgege deıin ulǵaıady», - dep habarlady B. Sultanov.

Saýda jáne ıntegratsııa mınıstriniń aıtýynsha, UTJ qurylǵannan keıin egin shyqqannan keıingi kezeńde óndirýshilerdiń shyǵyndarynyń qysqarýy shamamen 350,0 myń tonna kókónis ónimderin, jylyna 13,3 mlrd.teńge somasyn quraıdy.