Aldaǵy úsh jylda sarbaz ashanalarynyń bári jóndeledi

NUR-SULTAN. QazAqparat – Qazir áskerı qyzmetshiniń tamaqtaný quramyna 48-den 61-ge deıin tamaq ónimderi kiredi. Bul týraly Ortalyq kommýnıkatsııalar qyzmetinde «Qarýly kúshterde zattaı múlikpen qamtamasyz etý jáne tamaqtandyrýdy uıymdastyrý» taqyrybynda ótken brıfıngide aıtyldy, dep habarlaıdy QazAqparat tilshisi.

«Qarýly Kúshterdi damytýdyń basty baǵytynyń biri – tyldyq qamtamasyz etý. Sarbazdyń árqashan qarny toq, muntazdaı taza, áskerı kıimmen, medıtsınalyq kómekpen udaıy qamtylǵan bolýy kerek. Onyń turatyn jeri sanıtarııalyq-gıgıenalyq talaptarǵa saı bolýy qajet. Al tehnıka barlyq janarmaı túrimen ýaqtyly toltyrylýy tıis», - dedi brıfıngte QR Qorǵanys mınıstriniń orynbasary Muhamedjan Talasov.

Onyń sózine qaraǵanda, Qarýly Kúshterde búginge deıin tamaq ónimderiniń assortımentin jaqsartý baǵytynda tamaq ratsıonynyń normalary úsh ret ózgergen.

«Búgingi tańda áskerı qyzmetshiniń tamaqtaný quramyna 48-den 61-ge deıin tamaq ónimderi, sıyr, qus jáne balyq eti, irimshik, shujyq jáne súzbe, qaımaq, jemister men tabıǵı shyryndar, dárýmendi qospalar, gematogen jáne basqa da ónimder kiredi. Al 2018 jyldan bastap turaqty jaýyngerlik daıyndyqtaǵy áskerı bólimderde vzvod komandırinen rota komandırine deıingi ofıtserlerge jáne kelisimshart boıynsha barlyq áskerı qyzmetshilerge memleket esebinen tegin túski as beriledi. Tamaqtandyrý nysandaryn jaqsartý aıasynda aldaǵy úsh jylda biz sarbaz ashanalarynyń bárine jóndeý jumystaryn júrgizip, dúkenderdi zamanaýı tehnologııalyq jabdyqtarmen jabdyqtaýdy josparlap otyrmyz», - deıdi ol.