Aldaǵy úsh jylda «Samuryq-Qazyna» kompanııalary 600-den 300-ge deıin qysqarady
04:44, 20 Qazan 2014
ASTANA. QazAqparat - Aldaǵy úsh jylda «Samuryq-Qazyna» kompanııalary 600-den 300-ge deıin qysqarady. Bul týraly KTK telearnasynyń «Halyq qyzmetshisi» baǵdarlamasyna suhbat bergen «Samuryq-Qazyna» UÁQ» basqarmasynyń tóraǵasy Ómirzaq Shókeev málim etti.
Ó.Shókeevtiń aıtýynsha, holdıng qaramaǵyndaǵy barlyq aktıvter tekserilip, ońtaılandyrylady jáne qaıta qurylymdanatyn bolady.
«Bizde 600 kompanııa bar. Taıaý 3 jyldyń ishinde biz olardy 300-ge deıin qysqartýǵa tıispiz. Onda qundy kompanııalar da bar. Biz olardy naryqqa shyǵaryp, jaqsy baǵaǵa satqymyz keledi», dedi ol.
Qor basshysynyń atap ótýinshe, holdıngtegi basqarý deńgeıi de barynsha qysqartýǵa ushyraıtyn bolady.