Aldaǵy úsh jylda ǵylymdy damytýǵa qansha qarajat bólinedi
«Respýblıkalyq bıýdjet jobasy sheńberinde ǵylymdy damytýǵa jalpy somasy 6,4 mlrd teńge shyǵystar kózdelgen. Ol úshin 2023 jyly - 1,5, 2024 jylǵy - 2,4 jáne 2025 jyly - 2,4 mlrd teńgeden astam qarajat bólinedi. Ol 77 ǵylymı-tehnıkalyq qyzmet sýbektisin, irgeli ǵylymı zertteýmen aınalysatyn 8 uıymdy jáne memlekettik ǵylymı-tehnıkalyq saraptama júrgizýdi qarjylandyrýǵa baǵyttalady. Sondaı-aq, bul qarajat esebinen 751 jetekshi ǵalymnyń jalaqysy tólenedi», - dep kórsetilgen Qarjy mınıstrligi usynǵan qujatta.
Bıýdjet jospary aıasynda ǵalymdarǵa memlekettik syılyqaqylar men stıpendııalardy tóleýge 1,5 mlrd-tan astam qarjy bólý josparlanǵan. Atap aıtqanda, 2023 jyly - 531, 2024 jylǵy - 496, al 2025 jyly - 569 mln teńge syıaqyǵa baǵyttalady.
Sonymen qatar, josparly bıýdjet jobasy sheńberinde aldaǵy úsh jylda elimizde 504 mektep salý josparlanǵan. Olardyń qurylysyna 2,6 mlrd teńge bólinýi múmkin.