Aldaǵy úsh kúnde Qazaqstannyń basym bóliginde kún ashyq bolady

ASTANA. QazAqparat – Aldaǵy úsh kúnde Qazaqstannyń basym bóliginde soltústik antıtsıklonnyń yqpalymen kún ashyq bolady, túnde ońtústikte, ońtústik-shyǵysta 1-7 gradýs úsik júredi, dep habarlaıdy QazAqparat «Qazgıdromet» RMK-ǵa silteme jasap.

Sınoptıkterdiń boljamynsha, 4-6 mamyrda batysta, shyǵysta jáne ońtústik-shyǵysta atmosferalyq aýa aǵyndarynyń ótýine baılanysty aýa raıy qubylmaly bolady – batysta jańbyr jaýyp, 4-5 mamyrda qatty jańbyr jaýyp, kún kúrkireıdi, burshaq túsedi. Shyǵysta, ońtústik-shyǵystaǵy taýly aýdandarda túnde qar aralas jańbyr, kúndiz jańbyr jaýady.

Respýblıka boıynsha jel kúsheıip, ońtústikte shańdy daýyl soǵady.