Aldaǵy úsh kúnde Qazaqstanda kún sýytyp, jaýyn-shashyn jaýady

ASTANA. QazAqparat - Aldaǵy úsh kúnde Qazaqstanda aýa temperatýrasy kúrt tómendep, qar jaýyp, burqasyn jáne kóktaıǵaq bolady, dep habarlaıdy QazAqparat «Qazgıdromet» RMK-ǵa silteme jasap.

«Sýyq antıtsıklon jáne arktıkalyq aýa massalary kezinde respýblıkanyń barlyq aýmaǵynda aýa temperatýrasy kúrt tómendep, jaýyn-shashyn kóp túsedi. Elimizdiń soltústiginde negizinen qar jaýyp, jaıaý burqasyn bolady, ońtústik óńirde naızaǵaı oınap, burshaq jaýýy múmkin», - delingen sınoptıkterdiń habarlamasynda.
Elimizde jeldiń kúsheıýi de boljanyp otyr, soltústik aımaqtarda tuman, kóktaıǵaq bolady. 14 sáýirde respýblıkanyń soltústik-batysynda jáne soltústiginde aýa temperatýrasy 10 gradýsqa kúrt tómendese, ońtústik oblystarda 15 sáýirde salqyndaıdy, biraq oǵan deıin kún soltústikte 20 gradýsqa deıin, al ońtústiginde 33 gradýsqa deıin ysıdy.