Aldaǵy úsh kúnde aýa raıy qandaı bolady

ASTANA. QazAqparat – 9-11 mamyr kúnderi respýblıkanyń basym bóliginde atmosferalyq frontaldy bólikterdiń ótýimen kún raıynyń qubylmaly sıpaty saqtalady – naızaǵaı oınap, burshaq jaýýy múmkin, dep habarlaıdy QazAqparat «Qazgıdromet» RMK-ǵa silteme jasap.

«Atmosferalyq qysymnyń joǵarylaý fony atalǵan kezeńniń basynda Qazaqstannyń ońtústik, ortalyq aımaqtaryna ashyq jáne jaýyn-shashynsyz kún raıyn ákelip, óz áserin saqtaıdy. Bul rette aýa temperatýrasynyń joǵarylaý protsesi jalǵasady. Respýblıka boıynsha jel kúsheıip, ońtústik oblystarda shańdy daýyl soǵady», - dedi sınoptıkter.