Aldaǵy úsh kún el aýmaǵynda jaýyn-shashyn jaýady

ASTANA. QazAqparat - Qazgıdromet sınoptıkteri aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat.

Atlantıka tsıklony Qazaqstannyń batysynan shyǵysyna aýysady. Osyǵan baılanysty aýa raıynyń turaqsyz sıpaty saqtalady.

Jaýyn-shashyn jaýady, jaıaý burqasyn, ekpindi jel jáne kóktaıǵaq bolady. Elimizdiń ońtústiginde kún jańbyrly.

7-9 naýryz aralyǵynda shyǵysta, 7 naýryzda soltústik-batysta, soltústikte, ortalyqta, 8 naýryzda ońtústikte, 8-9 naýryzda elimizdiń ońtústik-shyǵysynda qatty jaýyn-shashyn jaýady.

Tek 8-9 naýryzda batysta, 9 naýryzda elimizdiń ortalyǵynda jaýyn-shashyn toqtaıdy.

Respýblıka boıynsha tuman túsedi.

9 naýryzǵa qaraı elimizdiń soltústik, ortalyq, shyǵys óńirlerinde túngi ýaqytta temperatýra 7-17 gradýs aıazǵa deıin, ońtústik óńirlerde túnde 5 aıaz - 5 jylyǵa deıin, kúndiz 5-12 jylyǵa deıin tómendeıdi.