Aldaǵy ýaqytta sottardyń quzyretindegi sanktsııalar sany 9-ǵa deıin jetedi - I. Merkel

ASTANA. QazAqparat - Aldaǵy ýaqytta sottardyń quzyretine beriletin sanktsııalar sany 9-ǵa deıin jetedi. Bul týraly búgin QR Parlamenti Májilisiniń jalpy otyrysynda Qylmystyq is júrgizý kodeksiniń jobasyn talqylaý barysynda QR Bas prokýrorynyń birinshi orynbasary Iogan Merkel málim etti.

QR Bas prokýroratýra ókili Iogan Merkel jańa redaktsııadaǵy kodeks aıasynda tergeý sýdıasy ınstıtýty engiziletinin aıtyp, mundaı jańa ınstıtýt tájirıbede alǵash ret synalatynyn jetkizdi. «Qazirgi ýaqytta sottardyń quzyrynda eki sanktsııa bar. Bularǵa qosa biz taǵy bes sanktsııany júktep otyrmyz. Sosyn aldaǵy ýaqytta taǵy qosymsha eki sanktsııa sottarǵa beriletinin qarastyryp jatyrmyz, sóıtip keleshekte sottardyń quzyretindegi sanktsııalardyń sany toǵyzǵa deıin jetedi. Budan bólek, tergeý sýdıalarynyń qaraýynda tergeý áreketterine sanktsııalar berý de qarastyrylyp otyr», - dedi I. Merkel. Onyń sózine qaraǵanda, bul sanktsııalar jetkilikti ári osynyń ózin tájirıbede júzege asýyn baıqap kórý, bul ınstıtýttyń jumysyn jetildirý mańyzdy. «Quqyqtyq saıasat tujyrymdamasynda qarastyrylǵanyndaı, aldaǵy ýaqytta sot tarapynan baqylaýlar keńeıtile túsedi», - dedi I. Merkel.