Aldaǵy saılaýda partııalar emes qazaq tili jeńiske jetýi tıis - Dáýren Qýat
«Álemde bizden basqa elde memlekettik til nemese til týraly másele joq. 175 elde resmı til moıyndalady eken. «Resmı til» dep jergilikti til aıtylady. Al tabıǵaty, tarıhy boıynsha orys tili - resmı til emes. Basqa elder óziniń quramyndaǵy elderdiń tilderi joıylyp ketpes úshin qamqorlyq jasaıdy. Solarǵa zańmen kómek kórsetedi. Al biz áli kúnde ózimizdiń tilimizdi osyndaı resmı jıyndarda moıyndata almaı kelemiz. Tipti, ózgege emes ózimizge ózimiz moıyndata almaı otyrmyz. Muny toqtatý kerek», - dedi ol «Aýyl» halyqtyq-demokratııalyq patrıottyq partııasynyń kezekten tys XVIII sezinde.
Sonymen qatar ol aldaǵy Májilis pen máslıhattar depýtattaryn saılaýda qazaq tili jeńiske jetýi tıistigin basa aıtty.
«Saılaýǵa barlyq partııa atsalysyp jatyr. Bári jeńiske jetkisi keledi. Menińshe, bul saılaýda qazaq tili jeńiske jetýi kerek. Zań shyǵarýshy organǵa qazaq tili barýy tıis», - dedi Dáýren Qýat.