Aldaǵy saılaý qoǵamnyń saıası saýatty ekenin kórsetetinine senimdimin - Prezıdent

NUR-SULTAN. QazAqparat - Májilis jáne barlyq deńgeıdegi máslıhattarǵa saılaý ótkizý elimiz úshin kelesi jyldyń mańyzdy oqıǵasy bolmaq. Bul týraly Táýelsizdik kúni qarsańynda ótken Memlekettik nagradalar tapsyrý rásiminde QR Prezıdenti Qasym-Jomart Toqaev aıtty, dep habarlaıdy QazAqparat.

«Biz eldi saıası jańǵyrtý protsesin tabandy túrde jalǵastyrýǵa nıettimiz. Qazirgi ýaqytta reformalardyń jańa toptamasy ázirlenip jatyr, ol jaıynda kelesi jyldyń basynda jarııa etemiz», - dedi QR Prezıdenti.

Memleket basshysy bul «halyq únine qulaq asatyn memleket» qurýǵa, ádilet jáne teń múmkindikter qaǵıdattaryn bekitýge baǵyttalǵan Qazaqstandaǵy demokratııalyq túrlenýge tyń serpin beretindigin basa aıtty.

«Májilis jáne barlyq deńgeıdegi máslıhattarǵa saılaý ótkizý elimiz úshin kelesi jyldyń mańyzdy oqıǵasy bolmaq. Aldaǵy saılaý joǵary azamattyq belsendilik tanytyp, qoǵamnyń saıası saýatty ekenin kórsetetinine senimdimin. Saılaý naýqany qazaq memlekettiginiń ınstıtýtsıonaldyq turaqtylyǵyn taǵy bir ret naqty dáleldeıdi», - dedi Qasym-Jomart Toqaev.