Aldaǵy saılaý elimizdi damytýdyń jańa belesine shyǵarýǵa yqpal etetinine senimdimin - N. Nazarbaev

ASTANA. QazAqparat - Qazaqstan Táýelsizdiginiń 25 jyldyǵy aýqymdy ózgerister kezeńine aınaldy. Bul týraly búgin Aqordada sheteldik dıplomatııalyq ókildikter basshylarymen kezdesýde Elbasy Nursultan Nazarbaev málim etti.

«Parlament usynysymen ótkeli turǵan saılaý ultymyzdy uıymdastyrýǵa da, elimizdi damytýdyń jańa belesine shyǵarýǵa da yqpal etetinine senimdimin. Júzege asyrylyp jatqan bes ınstıtýtsıonaldy reforma «100 naqty qadam» Ult jospary jańa orta qalyptastyrady»,-dedi Prezıdent.

Elbasy búginde jahandyq daǵdarys óńirge teris áserin tıgizip otyrǵanyn, osyndaı kúrdeli jaǵdaıda turaqtylyq pen ornyqty kelisimdi saqtaý asa mańyzdy bolyp otyrǵanyn atap ótti.

«Dástúrli túrde jyl saıynǵy kezdesýimiz ótýde. Birinshiden, búgingi bizdiń kezdesýimiz Qazaqstan Táýelsizdiginiń 25 jyldyq merekesiniń qarsańynda bolyp otyr. Ekinshiden, 1992 jyly 2 naýryz kúni Qazaqstan Birikken Ulttar Uıymynyń múshesi bolyp qabyldanyp, búkil dúnıejúzilik senimge ıe boldy. Osynaý tarıhı qysqa merzim elimiz úshin aýqymdy ózgerister kezeńine aınalǵanyna barlyqtaryńyz da kýásizder. Táýelsizdik jyldarynda Qazaqstannyń Іshki jalpy ónimi 21 ese ósti, ındýstrııalyq baǵdarlama aıasynda óńdeýshi ónerkásipte 28 jańa sektor quryldy, 900-den astam ındýstrııalyq mekemeler iske qosyldy»,-dedi Memleket basshysy.