Aldaǵy qysqa kómir qorymen qamtamasyz etý 71% oryndaldy – mınıstrlik
Indýstrııa jáne ınfraqurylymdyq damý mınıstrligi jylytý maýsymyna daıyndyq jumystaryn jalǵastyryp jatyr. Kúndelikti jergilikti atqarýshy organdardyń, kómir óndirýshi kompanııalar men «Qazaqstan temir joly» UK« AQ ókilderiniń qatysýymen jıyndar ótkizilip, halyqty jáne kommýnaldyq-turmystyq sektordy kómirmen qamtamasyz etý boıynsha monıtorıng jasalady.
Vedomstvo málimetinshe, elimizde 2022-2023 jyldarǵa kómirge degen qajettilik shamamen 9,6 mln tonnany quraıdy. Onyń ishinde kommýnaldyq-turmystyq sektorǵa – 2,6 mln tonna, turǵyndarǵa – 7 mln tonna.
«2022 jylǵy 9 qyrkúıektegi jaǵdaı boıynsha kommýnaldyq-turmystyq sektor men halyq úshin qajettilik josparyna qatysty kómir qorymen qamtamasyz etý 71% qurady.
Jalpy, búginde razrezderde kómir qory jetkilikti mólsherde jáne óndirý jumystary josparly túrde júzege asyrylyp jatyr. Razrezderdegi kómirdiń baǵasy ótken jylǵy deńgeıde qaldy.
Halyqty qajetti deńgeıde kómirmen qamtamasyz etý maqsatynda «Qazaqtemirtrans» AQ-da vagondar parkin ulǵaıtý jáne kórshi memleketterge áleýmettik kómirdi avtokólikpen áketýdi shekteý boıynsha qosymsha sharalar qarastyrylǵan», - dedi mınıstrlikten.
Kómir óndirýshi kompanııalardyń jedel derekteri boıynsha 2022 jylǵy qańtar-shilde aılarynda 66,4 mln tonna kómir (kómir kontsentratyn qospaǵanda) óndirildi. Bul ótken jyldyń tıisti kezeńimen salystyrǵanda 106% quraıdy (2021 jyldyń 7 aı úshin 62,8 mln tonna). Іri kómir kompanııalary bólinisinde «Shubarkól kómir», «Vostochnyı», «Maıkóbe-Vest» jáne «Qarajyra» razrezderinde óndiris ósimi baıqalady.