Aldaǵy kúnderi 20 gradýsqa deıin aıaz bolady - Qazgıdromet

ASTANA. QazAqparat – Qazgıdromet aldaǵy úsh kúnge arnalǵan aýa raıy boljamyn jarııalady, dep habarlaıdy QazAqparat.

«Aldaǵy táýlikterde eldiń soltústiginde, ortalyǵynda, ońtústiginde qatty jaýyn-shashyn (jańbyr, qar) boljanady. Respýblıka boıynsha burqasyn, kóktaıǵaq, tuman, qatty ekpindi jel 15-28 m/s jyldamdyqpen soǵady. Aptanyń sońynda Soltústik-batys antıtsıklonynyń enýimen jaýyn-shashynnyń toqtaýy jáne temperatýra fony tómendeıdi dep kútilýde. Aýa temperatýrasy túnde soltústik, soltústik-batys, shyǵys jáne ortalyqta 10-20 gradýs aıazǵa, al ońtústik, ońtústik-shyǵysta 2-10 aıaz, taýly aımaqtarda 10-15 gradýs aıaz bolady», - delingen habarlamada.