Aldaǵy eki jylda munaı baǵasy qalaı ózgerýi múmkin

NUR-SULTAN. QazAqparat – QR Energetıka mınıstri Bolat Aqsholaqov munaı baǵasynyń keleshgi týraly boljamyn aıtty, dep habarlaıdy QazAqparat tilshisi.

«Baǵany boljaý eń bir baıansyz sharýa shyǵar. Ony ózderińiz bilesizder. Biraq obektıvti túrde keıingi jyldary bolǵan oqıǵalardy eskerip kórýge bolady. Baǵanyń quldyrap túskenin de kórdik. Pandemııa kezinde baılanystar buzylyp, artyǵymen óndirý tirkelgen edi. Usynys suranystan asyp ketkendikten baǵa da quldyrap ketti», -dep eske aldy ol.

Aıtýynsha, qazir sol kezdegi tómen tutyný mejesinen birtindep shyǵý baıqalyp otyr.

«Álemde bolyp jatqan keıbir jaǵdaılarǵa baılanysty da munaı tutyný artyp keledi. Baǵa bir barreline 100 dollardan qalyptasyp otyr. Bul munaı óndirýshiler úshin jaıly baǵa. Aldaǵy 1-2 jylda munaı baǵasy barreline 100 dollardyń aınalasynda bolatyn shyǵar dep topshylaımyz. Bul meniń qazirgi jaǵdaıǵa qarap shyǵaryp otyrǵan jeke paıymym», – dedi mınıstr.

Sondaı-aq, Bolat Aqsholaqov Qazaqstanadaǵy eki jylda munaı óndirisiniń kólemin 85,7 mln tonnadan 103-107 tonnaǵa deıin kóteretinin málim etti. Osylaısha qazirgi logıstıkalyq qýattan artylǵan kólemdi Ázerbaıjan arqyly eksporttaýdy josparlaýda.