Aldaǵy eki jylda Aqtóbeniń 12 aýylyna gaz qubyry tartylady
Aqtóbe oblysynyń barlyq aýdan ortalyǵy gazben qamtamasyz etildi. Endi aýyldarǵa gaz qubyryn tartý jumystary júrgizilip jatyr.
«Bizdiń basty mindetimiz - halyqty kommýnaldyq qyzmettermen ýaqytynda qamtamasyz etý. Oblys ortalyǵynyń halqymen kezdesý kezinde qalalyqtardyń deni sý men jaryqtyń ýaqytyly berilýi men sapasyna shaǵymdanady. Tıisti mekemeler osyǵan nazar aýdaryp, óz jumystaryndaǵy kemshilikterdi joıý sharalaryn qabyldaýy shart. Halyqtyń shaǵymyna der kezinde jaýap berýi tıis»,- dedi óńir basshysy Berdibek Saparbaev ákimdikte ótken jıyn kezinde.
Jospar boıynsha 2018-2019 jyldar aralyǵynda qubyr tartý jumystaryna 6,75 mıllıard teńge jumsalady. Barlyǵy 19 gazben jabdyqtaý jobasy iske asyrylýy tıis. Aqtóbe oblysy ákiminiń baspasóz qyzmetiniń habarlaýynsha, eki jylda 12 aýylǵa gaz jetkizedi. Sol ýaqytta barlyǵy 8 myń turǵyn qatty otyndy umytyp, gaz jaǵa alady.
Al «Nurly jol» jáne «Óńirlerdi 2020 jylǵa deıin damytý» baǵdarlamalary sheńberinde sýmen jabdyqtaý jelileriniń tozýy 3% tómendedi. Halyqty ortalyqtandyrylǵan sýmen qamtamasyz etý kórsetkishi de artty. Ótken jyly 972 shaqyrymnan astam elektr taratý jelileri jóndeldi.
Jıyn barysynda turǵyn úı, áleýmettik nysandar qurylysynyń artýy men jańa óndiris oryndarynyń ashylýyna baılanysty elektr jelilerin tartý jobasyn ázirleý tapsyryldy.