Aldaǵy demalys kúnderi Qazaqstanda kún sýytyp, jańbyr jaýady

ASTANA. QazAqparat - Aldaǵy demalys kúnderi Barents teńizi arqyly ótken tsıklon batystan shyǵysqa qaraı Qazaqstan aýmaǵy arqyly ótip, kúnniń jaýyn-shashyndy bolýyna yqpal etedi, dep habarlaıdy QazAqparat «Qazgıdromet» RMK málimetterine silteme jasap.

«Eldiń soltústik, shyǵys jáne taýly aımaqtarynda túnde jáne tań ata jańbyrdyń arty qarǵa ulasýy múmkin. Tuman túsip, jel kúsheıedi, respýblıkanyń ońtústigi men batysynda daýyl soǵady. Jaýyn-shashynnan keıin Eýropa aımaqtarynan sýyq antıtsıklon keledi, ol kele jatqan aptanyń basynda respýblıkanyń batysynda, sodan keıin soltústiginde jaýyn - shashynnyń toqtaýyna ákeledi», - delingen sınoptıkterdiń habarlamasynda.

Aýa temperatýrasy qysqa merzimge tómendeýi múmkin: respýblıkanyń soltústiginde, shyǵysynda jáne ortalyǵynda túnde - 3 gradýsqa deıin aıaz, kúndiz - 3-13 gradýsqa deıin jyly. Respýblıkanyń batysynda túnde 1-9 gradýs, kúndiz 15-25 gradýsqa deıin jyly bolady. Qazaqstannyń ońtústiginde túnde 1-6 gradýsqa deıin, taýly aımaqtarda 2-7 gradýs aıaz, kúndiz 12-20 gradýsqa deıin jyly bolady.