Aldaǵy demalys kúnderi elordadaǵy jármeńkede Pavlodar oblysy ónimderin usynady

NUR-SULTAN. QazAqparat – 9 jáne 10 qazanda elordadaǵy «Han Shatyr» SOO janyndaǵy alańda Pavlodar oblysy taýar óndirýshileriniń qatysýymen kezekti aýyl sharýashylyǵy jármeńkesi ótedi, dep habarlaıdy QazAqparat qala ákimdiginiń resmı saıtyna silteme jasap.

Aýyl sharýashylyǵy jármeńkesine Pavlodar, Aqsý, Ekibastuz qalalarynyń, oblystyń aýyldyq jerleriniń taýar óndirýshileri, sondaı-aq Nur-Sultan qalasynyń kásipkerleri qatysady.

Atalǵan óńir elordaǵa 200 mln teńgeden astam somaǵa 520 tonna ónim, onyń ishinde et, et-sút, bakaleıa ónimderi, kartop, kókónis ákeledi.

Pavlodarlyq kásiporyndar Nur-Sultan turǵyndaryna óndirýshiler baǵasy boıynsha azyq-túliktiń keńeıtilgen assortımentin usynady.

Kartop, qyryqqabat, sábiz – «Aqtoǵaı Agro» JShS, «Tımýr», «Andas», «Maıak», «Zarıa» sharýa qojalyqtary, et - «Galıtskoe» JShS, «Pobeda» JShS, «Tabys» ShQ, «Lýgansk» ÓK, «Aqjar-Óndiris»JShS.

Brendteri respýblıka boıynsha jáne odan tys jerlerde tanymal «Rýbıkom» JShS, «KEMMI» JShS, «Sút» AQ, «MolKom Pavlodar» JShS, «Krendel»JShS kásiporyndary óz ónimderin usynady.

Jármeńke sanıtarlyq normalar men karantın talaptaryn saqtaı otyryp ótkiziledi.

Esterińizge sala keteıik, elordada osy jyly áleýmettik mańyzy bar azyq-túlik ónimderiniń baǵasyn turaqtandyrý maqsatynda kókónister men jemisterdiń pisý merzimin eskere otyryp, 14 jármeńke ótkizý josparlanǵan. Aýyl sharýashylyǵy óńirlik jármeńkeleriniń maýsymy Nur-Sultanda 31 qazanǵa deıin jalǵasady. 21 tamyzdan bastap elordadaǵy jármeńkelerde Túrkistan, Batys Qazaqstan, Shyǵys Qazaqstan, Qyzylorda, Almaty, Atyraý, Jambyl, Aqtóbe jáne Qaraǵandy oblystarynyń aýylsharýashylyq taýar óndirýshileri óz ónimderin usyndy.