Aldaǵy bıýdjetti josparlaýda depýtattardyń syn-eskertpesi eskerilýge tıis - Erlan Qoshanov
«Búgin baǵdarlamalardyń oryndaýshylary tenderdiń uzaqqa sozylýy men taǵy da basqa syltaýlardy aıtyp, aqtalyp jatyr. Jáne bul jaǵdaı bizde jyldan jylǵa qaıtalanyp keledi. ıAǵnı, munyń bári júıeli problemalardyń bar ekenin kórsetedi. Ondaı jaǵdaılardy boldyrmaý úshin aldyn alý sharalaryn osy ýaqyttan bastap qolǵa alýymyz kerek. Bul is-sharalar birinshi kezekte jańadan keletin Bıýdjet kodeksinde jáne memlekettik satyp alý týraly zań jobasynda eskerilýi qajet», - dedi Májilis tóraǵasy.
Onyń atap ótýinshe, qarjynyń ıgerilmeı qalýy memlekettik satyp alý zańyndaǵy olqylyqtarǵa baılanysty bolyp otyr.
«Atalǵan másele Memleket basshysynyń saılaýaldy baǵdarlamasynda da naqty aıtylǵan. Sonymen qatar Prezıdentimiz Parlament sessııasyn ashý kezinde árbir tıynnyń jumsalýyna Parlament tarapynan baqylaý jasaýdyń mańyzdylyǵyn aıryqsha atap ótti. Muny bizdiń saılaýshylarymyz da talap etip otyr. Taıaý arada elge baramyz. Búgingi kúni depýtattyq korpýsqa bıýdjettiń atqarylýy boıynsha jyldyq qorytyndy esepti tyńdap qana qoımaı, jyl boıy monıtorıng júrgizip, baqylaýǵa múmkindik berilip otyr», - dedi Erlan Qoshanov.
Osy oraıda Májilis spıkeri Úkimet músheleri 2022 jylǵy respýblıkalyq bıýdjettiń atqarylýy týraly esepti maquldaýǵa keıbir depýtattardyń qarsy bolǵanyn jáne qalys qalǵandardyń da boı kórsetkenin erekshe nazarǵa alýy qajettigin basa aıtty.
«Degenmen Úkimettiń kúrdeli geosaıası jaǵdaıda jumys atqarǵanyn da atap ótýimiz kerek, moıyndaýymyz qajet. Soǵan qaramastan ekonomıkamyz búginde turaqty damyp, halyqtyń aldyndaǵy áleýmettik mindettemeler oryndalyp jatyr. Bul másele de búgingi sheshim qabyldaǵanda depýtattar tarapynan eskerildi. Jalpy aıtqanda Parlament pen Úkimet ıyq tirese jumys atqaryp, aldaǵy bıýdjetterdi josparlaý kezinde búgingi aıtylǵan syn-eskertpeleri bári eskerilýi qajet», - dedi Erlan Qoshanov.