Aldaǵy bes jylda arhıv salasyna 900-den astam maman kerek bolady

NUR-SULTAN. QazAqparat – Úkimet basshysy Asqar Mamın arhıv salasy úshin mamandardy daıarlaý jaıynda aıtyp berdi, dep habarlaıdy QazAqparat tilshisi.

«Arhıv salasynda maman daıarlaý memlekettik bilim berý tapsyrysy aıasynda júrgiziledi. Bul tapsyrys kadrlarǵa qysqa merzimdegi ári orta merzimdegi ýaqytta qajettilik boıynsha jasalady. Esepteýge qaraǵanda, aldaǵy bes jylda salaǵa joǵary bilimi bar 945 maman kerek bolady», - dep jazdy A. Mamın senatorlardyń depýtattyq saýalyna jaýap bere otyryp.

Osy oraıda ol atalǵan maqsatty júzege asyrý úshin qabyldanǵan sharalar týraly aıtyp berdi.

«Osy qajetttilikti qamtamasyz etý maqsatynda Bilim jáne ǵylym mınıstrligi 2020 jyly arhıv mamandyǵyna bakalavrıat jáne magıstratýra baǵdarlamasy boıynsha 55 grant (bakalavrıat – 35, magıstratýra −20) qarastyrdy. Qalǵany ózara baılanysty mamandyqtardyń túlekterin tartý esebinen tolyqtyrylady. Birinshi kezekte fılologtar qamtylady», - dedi Premer-Mınıstr.

Budan buryn habarlanǵandaı, Arhıv qyzmetkerleri eńbekaqysyn kóterýge 2,8 mlrd teńge qaralǵan.