Aldaǵy bes jyl el taǵdyry sheshiletin mańyzdy kezeń bolmaq - Toqaev

ASTANA. QazAqparat – Ashyq ári ózin-ózi qamtamasyz etetin naryqtyq ekonomıka qalyptastyrý basty basymdyq bolyp qala beredi. Bul týraly VIII saılanǵan QR Parlamentiniń birinshi sessııasynyń otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Naqty basymdyqtar formatynda jumys isteý kerek. Asa mańyzdy máselelerdi dereý sheshý qajet. Biraq keıbir máseleni keıinge qaldyrýǵa, al birqatary boıynsha aldaǵy sheshimderdiń tek jobasyn belgileýge týra keledi. Áıtpese, eńbegimiz zaıa ketedi jáne qolda bar resýrstarymyzdy sarqyp alamyz. Aldaǵy bes jyl el taǵdyry sheshiletin mańyzdy kezeń bolmaq. Elimizdi qarqyndy damytý úshin sapaly zańnamalyq baza qalyptastyrý kerek. Ol úshin ekonomıkaǵa qajetti erejeler men qaǵıdalardy ózgertý qajet», - dedi Qasym-Jomart Toqaev.

Osy oraıda Prezıdent bul baǵytta alǵashqy qadamdar jasalǵanyn aıtty.

«Monopolııadan aryltý jáne elimizden zańsyz shyǵarylǵan kapıtaldy qaıtarý jumystary júrgizilip jatyr. Bul elimizge ornyqty, básekege qabiletti iri bıznes kerek emes degendi bildirmeıdi. Kerisinshe, qajet ekeni sózsiz jáne biz ony qoldaımyz. Іri bıznes bizdiń jańa ekonomıkalyq paradıgmada jańasha jumys isteı bastaıdy ári mindetti túrde damıdy. Jalpy, ashyq ári ózin-ózi qamtamasyz etetin naryqtyq ekonomıka qalyptastyrý basty basymdyq bolyp qala beredi», - dedi Memleket basshysy.