Aldaǵy alty jylda 50 problemalyq turǵyn úıdiń qurylysy aıaqtalady - mınıstrlik

ASTANA. QazAqparat – 2023-2029 jyldarǵa arnalǵan turǵyn úı-kommýnaldyq ınfraqurylymyn damytý tujyrymdamasyna sáıkes, 2029 jyly 50 problemalyq turǵyn úıdiń qurylysy aıaqtalady, dep habarlaıdy QazAqparat tilshisi.

«2029 jyldyń sońyna deıin 111 mln sharshy metr turǵyn úı qurylysy qamtamasyz etilip, problemalyq turǵyn úı qurylysynyń 50 obektisi aıaqtalady. Azamattarǵa jeke qurylys úshin beriletin 280 myń jer ýchaskesi ınjenerlik kommýnıkatsııalarmen jabdyqtalady. Óńirlerde 1 500 apatty jáne tozyǵy jetken úılerdi buzý, 40 myń menshik ıesiniń turǵyn úı máselelerin sheshý jónindegi óńirlik baǵdarlamalar qabyldanady», - dep jazylǵan 6 jyldyq josparda.

Qarjy ınstıtýttary men turǵyn úı qurylys jınaq júıeleriniń ıpotekalyq baǵdarlamalary jalǵasady. Máslen, «Óz úıim», «Jas otbasy», «Áskerı Baspana», «Umaı», «2-10-20», «5-10-20» baǵdarlamalary qoljetimdi bolmaq.

Tujyrymdama 15 naýryzǵa deıin kópshilik talqylaýda bolady.