Aldaǵy 7 jylda jeke sektordy jáne zańsyz básekelestikpen kúresti kúsheıtý qajet – ekonomıst

ASTANA. QazAqparat – Qazaqstandyq ekonomıst Qýanysh Jaıyqov saılaýdan keıingi el ekonomıkasynyń damý baǵyttaryna qatysty pikir bildirdi. Onyń aıtýynsha, aldaǵy 7 jylda jeke sektordy jáne zańsyz básekelestikpen kúresti kúsheıtý qajet. Bundaı pikirdi ol Jibek Joly telearnasynda ótken saılaý taqyrybyna arnalǵan tok-shoýda aıtty, dep habarlaıdy QazAqparat.

«Meniń oıymsha, ekonomıkalyq saıasat pıramıda sekildi. Onyń ishinde mańyzdy emes salalar da bar. Mysaly, salyq, bıýdjet saıasaty degen sııaqty. 2012 jyly biz álemdegi 30 damyǵan eldiń qataryna qosylamyz dep jarııaladyq. Ol úshin memlekettik korporatsııa quryp, basym sektorlardy belgilep, ulttyq ekonomıkany ártaraptandyrý mindeti qoıyldy. Degenmen ýaqyt óte kele ol kezdegi aıtylǵan dúnıeler qazir 180 gradýsqa ózgerdi. Qazir ekonomıka boıynsha kóshbasshy – jeke sektor. Sondyqtan da jeke sektorlardyń quqyǵyn qorǵaý mańyzdy. Ekinshi mańyzdy dúnıe - básekeni ilgeriletý. Prezıdent aıtqandaı, ekonomıka monopolııalarǵa áli de toly», - dedi Qýanysh Jaıyqov Jibek Joly telearnasynda ótken saılaý taqyrybyna arnalǵan tok-shoýda.

Onyń aıtýynsha, ádeletsiz monopolııa baǵanyń ósýi men jumyssyzdyqqa alyp keledi.

«Sondyqtan da aldaǵy 7 jylda ekonomıkanyń basty bazalary jeke sektor men zańsyz básekelestikpen kúresti kúsheıtý qajet. Qańtar oqıǵasynan keıin Úkimettiń jospary ózgerdi. Úkimet janynan arnaıy komıtet qurylyp buryn urlanǵan kapıtaldar elge qaıtarylyp jatyr», - deıdi ol.

Vıdeodan alynǵan kadr/jjtv.kz/ru/live

Tegter

{