Aldaǵy 7 jylda $150 mlrd tikeleı shetel ınvestıtsııasyn tartamyz – QR Prezıdenti

ASTANA. QazAqparat – Qazaqstan aldaǵy 7 jylda 150 mıllıard dollar tikeleı shetel ınvestıtsııasyn tartýdy josparlap otyr. Bul týraly Memleket basshysy Qasym-Jomart Toqaev Qazaqstanda tirkelgen sheteldik dıplomatııalyq mıssııa basshylarymen kezdesýinde málim etti, dep habarlaıdy QazAqparat Aqordanyń baspasóz qyzmetine silteme jasaı otyryp.

«

Elimizde tsıfrlyq transformatsııany qoldaý úshin reformalar júrgizýge kiristik. Bul jumystardy búkil álem moıyndap otyr

«, - dep atap ótti Memleket basshysy.

Qasym-Jomart Toqaevtyń aıtýynsha, BUU-nyń reıtıngisinde Qazaqstan «elektrondy úkimetti» damytý boıynsha álemniń úzdik otyzdyǵyna kiredi, sondaı-aq onlaın qyzmet kórsetý ındeksi boıynsha 11-orynda.

Elge tartylatyn tikeleı sheteldik ınvestıtsııalarǵa toqtala Prezıdent: «

Aldaǵy 7 jylda 150 mıllıard dollar tikeleı shetel ınvestıtsııasyn tartýdy josparlap otyrmyz

», - dedi.

Sondaı-aq, Qasym-Jomart Toqaev Qazaqstannyń ustanymy qandaı ekenin málim etti.

«

Qazaqstannyń ustanymy óte qarapaıym jáne aıqyn – biz nóldik somasy bar oıyndarǵa senbeımiz. «Úlken oıyndarǵa» emes, Eýrazııanyń júregindegi barlyq adamdar úshin «Mol paıdaǵa» umtylamyz

», - dep atap ótti QR Prezıdenti.