Aldaǵy 5 jylda otandyq shahmat qalaı damıdy

ASTANA. QazAqparat – Premer-Mınıstr Álıhan Smaıylov «Qazaqstanda shahmatty damytýdyń 2023-2027 jyldarǵa arnalǵan keshendi josparyn bekitý týraly» Úkimet qaýlysyna qol qoıdy, dep habarlaıdy QazAqparat tilshisi.

Keshendi josparǵa sáıkes, bıyl 3-toqsannan bastap myna jumystar iske asyrylady:

- Jalpy bilim beretin mektepterdiń oqý josparyna shahmat boıynsha fakýltatıv (kýrs) engizý;

- Shahmat boıynsha memlekettik jáne orys tilderinde 1-4 synyptarǵa arnalǵan oqý-ádistemelik keshendi ázirleý;

- Mektepke deıingi uıymdarda shahmattan balalar kýbogyn ótkizý;

- Shahmatty Ulttyq mektep jáne stýdentter lıgasynyń baǵdarlamasyna qosý;

- Jalpy bilim beretin pánder boıynsha halyqaralyq olımpıadalardyń jáne oryndaýshylardyń halyqaralyq konkýrstarynyń, sporttyq jarystardyń tizbesine 16-dan 18 jas sanatyndaǵy shahmat olımpıadasy men shahmattan álem chempıonatyn qosý týraly máseleni pysyqtaý;

- JOO-da stýdenttik sport lıgasy sheńberinde shahmattan jarystar ótkizý, shahmat klýbtaryn ashý;

- Shahmat boıynsha kadrlardy qaıta daıarlaý jáne biliktiligin arttyrý (jyl saıyn keminde 50 jattyqtyrýshy);

- Ortalyq memlekettik organdar jáne BAQ qyzmetkerleri arasynda shahmattan týrnır ótkizý;

- Penıtentsıarlyq mekemelerde bas bostandyǵynan aıyrý túrindegi jazasyn ótep jatqan adamdar arasynda onlaın-týrnır ótkizý;

- Eresekter arasyndaǵy shahmat olımpıadasynda 1-2 oryn alǵan jáne shahmattan álem chempıonatynda 1-oryn alǵan sportshylarǵa «QR Eńbek sińirgen sport sheberi» sporttyq ataǵyn berýdiń normalary men talaptaryn ázirleý;

- Úzdik shahmatshylarǵa stıpendııa bólý;

- Astana qalasynda shahmat saraıynyń qurylysyna jer telimin bólý;

- Kóppáterli turǵyn úılerdiń aýlalarynan shahmat klýbtaryn jáne shahmat alańdaryn ashý;

- Ár óńirde shahmatty damytý josparyn ázirleý jáne bekitý.

Málim bolǵandaı, atalǵan sharalar 2027 jylǵa deıin kezeń-kezeńimen iske asady.

Qaýly qol qoıylǵan kúnnen, ıaǵnı 14 shildeden bastap qoldanysqa engizildi.