Aldaǵy 5 jylda ónerkásip salasyna 113 myńǵa jýyq maman qajet
«Búgingi tańda 2,3 mln. ekonomıkalyq belsendi jastardyń ishinde 42 paıyzy joǵary bilimdi, 32 paıyzynyń orta kásibı bilimi bar, al 26 paıyzy orta mektep baǵdarlamasyn ıgergen azamattar. Bulardyń ishinde 1,7 mln.-y jaldamaly jumysshylar, 525 myńy ózin ózi jumyspen qamtyǵan azamattar. Al olardyń 10,3 paıyzy ǵana búgingi tańda ónerkásipte jumys isteýde», - dedi Dúısenova.
Onyń sózine qaraǵanda, joǵary jáne orta kásibı mamandyqqa ıe bolǵan jastardyń arasynda ınjenerlik, tehnıkalyq kásipti tańdaǵan azamattardyń úlesi óte tómen. Al jergilikti organdarǵa qarasty kásiptik bilim beretin oqý oryndary áli de bolsa eńbek naryǵynyń suranysyna saı emes mamandyq ıelerin daıyndaýda.
«Máselen ótken jyly oqý bitirýshilerdiń 17 paıyzyn ekonomıster, 13,8 paıyzyn zańgerler, 48 paıyzyn basqa da gýmanıtarlyq sala mamandary qurady. Buǵan dálel retinde mynadaı statıstıkaǵa toqtalǵym keledi. Ótken jyly jumys berýshiler 197 myń bos jumys oryndaryn jarııalady. Sonyń ishinde úlesi 16,6 paıyzdy quraǵan ıenjenerlik-tehnıkalyq mamandyqqa degen qajettilik jyl boıyna jabylmaı qaldy. Eger ónerkásipte jumys isteıtin jumysshylardyń arasynda jasy 55-ten asqan azamattardyń úlesi 12 paıyzǵa jýyq ekenin eskersek, onda aldaǵy 5 jylda bizge ónerkásip salasyna 113 myńǵa jýyq azamattardy daıyndap, óndiriske aralastyrý qajettiligi týyndap otyr», - dedi mınıstr.
Osyǵan oraı Tamara Dúısenova oblystardyń, Astana men Almaty qalalarynyń ákimderine bıylǵy jyly orta kásiptik bilim berý mekemelerine memlekettik tapsyrysty eńbek naryǵyndaǵy suranysqa saı, ıaǵnı, ótken jyly jabylmaı qalǵan bos oryndardy, jumys berýshilerdiń bıylǵy jylǵy qajettiligin eskere otyryp ornalastyrýdy ótindi.