Aldaǵy 5 jylda ınternet sapasyn jaqsartýǵa 1,1 mlrd teńge bólinbek

ASTANA. QazAqparat – «Ashyq NQA» portalynda aýyldardy «Qoljetimdi» ınternet ulttyq jobasy qoǵam talqylaýyna shyǵaryldy, dep habarlaıdy QazAqparat tilshisi.

Tsıfrlyq damý, ınnovatsııalar jáne aeroǵarysh ónerkásibi mınıstrligi ázirlegen qujatta 2027 jylǵa deıin Qazaqstan halqyn keńjolaqty ınternetpen qamtý deńgeıi 100 paıyzǵa jetýi qajettigi aıtylǵan. Al respýblıkalyq mańyzǵa ıe qalalardy 5G deńgedegi ınternetpen 75%, oblys ortalyqtaryn 60% qamtý kózdelgen. Osy maqsattarǵa qol jetkizý úshin 2023-2027 jyldar aralǵynda 1 114 726 105 000 teńge bólý josparlanyp otyr.

Onyń 531 988 432 000 teńgesin respýblıkalyq bıýdjetten, 582 737 673 000 teńgesin bıýdjetten tys qarajat esebinen tartý kózdelgen.,

Atalǵan qarajat mynandaı jolmen ıgerý josparlanǵan:

2023 jyly – 161 028 372 000 teńge;

2024 jyly – 246 243 232 000 teńge;

2025 jyly – 252 005 804 000 teńge;

2026 jyly – 227 494 848 000 teńge;

2027 jyly – 227 953 848 000 teńge.

Osy qarajat esebinen eldegi 3 myń aýylǵa talshyqty-optıkalyq baılanys jelisin tartý jospary da enip otyr.

Qujat 14 aqpanǵa deıin kópshilik talqylaýyna usynylyp otyr.