Aldaǵy 20 jylda Qazaqstanyń klımaty qalaı ózgeredi

ALMATY. QazAqparat - Almatyda Orta Azııa elderiniń klımaty ózgerýine qatysty konferentsııa barysynda klımatologtar aımaqtaǵy aýa raıy bolashaqta qalaı ózgeretinin aıtty, dep habarlaıdy QazAqparat tilshisi.

Ekologtar qazirgi ekonomıka qarqynyn ózgertpesek ekologııalyq jaǵdaıdyń múshkil bolatyndyǵyna alańdaýly.

BUU Qazaqstandaǵy damý baǵdarlamasy ókildiginiń orynbasary Mónhtýıa Altangereldiń aıtýynsha, Qazaqstanda 2002 jyldan beri ortasha aýa temperatýrasy 1,28 gradýsqa kóterilgen. Aldaǵy 20 jylda bul kórsetkish 2 gradýsqa jetýi múmkin.

«Bul birinshi kezekte aýyl sharýashylyǵy sektoryna aýyr tıedi. Orta Azııada aýylsharýashylyǵy jerleriniń 40 paıyzy jaramsyz bolady. 2050 jylǵa taman ylǵaldyq aýmaǵy soltústikke qaraı kóshedi. Qazaqstan 1,4 mln ga egistik pen shabyndyq jerlerin joǵaltýy múmkin», - dedi Mónhtýıa Altangerel.

Búkilálemdik banktiń Ortalyq Azııadaǵy klımattyq ózgeristeri boıynsha úılestirýshi Gaıane Mınasıannyń aıtýynsha, eger aýyl sharýashylyǵy sýbektileri klımattyq ózgeristerge beıimdelmese aýylsharýashylyǵy salasynyń ónimdiligi 20-30 paıyzǵa qysqarady.

«Bul ekonomıkaǵa úlken soqqy bolyp tıedi. Sondyqtan, Búkilálemdik bank Tájikstan, Ózbekstan elderi aımaǵynda fermerlerge birqatar tıimdi joba usynyp otyr. ıAǵnı, biz aýylsharýashylyǵy salasynda únemdeýge baǵyttalǵan tehnologııalarǵa qarjy bólemiz. Máselen qurǵaqshylyqqa beıimdelgen tuqym óndirý, sýdy ratsıonaldy paıdalaný tehnologııasy, shól jaǵdaıyna beıimdelgen mal ósirý sııaqty jobalar. Bul jobalar Qazaqstanǵa da kirdi. Osy ýaqytqa deıin ınjenerlik júıeler ornatylyp keldi. Bıyldan bastap tolyq iske asatyn bolady», - dedi Gaıane Mınasıan.

Búgingi konferentsııa barysynda Orta Azııa elderi men álemdik ekologııalyq uıymdardyń ókilderi klımattyq ózgeristerge qalaı beıimdelý kerektigin keńinen talqylady.