Aldaǵy 20 jylda Almaty halqynyń sany 3 mıllıonǵa jýyqtaıdy – Prezıdent

ALMATY. QazAqparat - Aldaǵy 20 jylda Almaty halqynyń sany 3 mıllıonǵa jýyqtaıdy degen boljam bar. Bul týraly Memleket basshysy Qasym-Jomart Toqaev Almaty qalasyn damytý máseleleri jóninde keńeste aıtty, dep habarlaıdy QazAqparat Aqordanyń resmı saıtyna silteme jasap.

Memleket basshysynyń sózinshe, bolashaqta qala ishindegi bes aýmaq ortalyq retinde damıdy. Sonda ortalyqtaǵy qazirgi ahýal birshama jeńildep, barlyq aýdanǵa birdeı salmaq túsedi.

«Sońǵy 10 jylda qala óte jyldam ári retsiz ósti. Almatynyń aýmaǵy eki eseden astam keńeıdi. Biraq ınfraqurylymnyń damýy ár jerde ártúrli bolyp otyr. Qalada turǵyndar sany ortasha alǵanda jyl saıyn 70 myń adamǵa kóbeıip keledi. Jumysqa, sabaqqa barý úshin irgeles eldi mekenderden kún saıyn 500 myń adam Almatyǵa kelip ketedi. Mundaı túıtkilderdi ýaqtyly anyqtap, der kezinde sheship otyrý qajet, – dedi Memleket basshysy.