Aldaǵy 2-3 jylda 60 myń tonna sıyr etin eksporttaýǵa múmkindik bar - Arman Evnıev

ASTANA. QazAqparat - Aldaǵy 2-3 jylda jyl saıyn 60 myń tonna sıyr etin eksporttaýǵa múmkindik bar. Bul týraly búgin QR Aýyl sharýashyly birinshi vıtse-mınıstri Arman Evnıev aıtty, dep habarlaıdy QazAqparat tilshisi.

«Sıyr etin aıtatyn bolsaq, 2017 jyly 5,5 myń tonna, 2018 jyly 20 myń tonnaǵa jýyq et eksportqa shyǵaryldy. Al bıylǵy josparymyz 25 myń tonna sıyr etin eksportqa shyǵarý bolyp otyr. Degenmen, 30 myń tonnaǵa da jetkizýge bolady. 60 myń tonnalyq mejege aldaǵy 2-3 jylda jetýge tolyqtaı múmkinshilik bar», - dedi Arman Evnıev mınıstrliktiń keńeıtilgen májilisi aıasynda BAQ ókilderine bergen suhbatynda.

Aıta keterligi, keńeıtilgen májilis barysynda ol 2018 jyldyń ekinshi jartyjyldyǵynan bastap etti mal sharýashylyǵyn damytýǵa baǵyttalǵan baǵdarlama jan-jaqty júzege asyryla bastaǵanyn aıtqan edi.

«Onyń negizi - shaǵyn jáne orta sharýashylyqtar. «Sybaǵa» dep atalatyn arnaıy jeńildigi bar kredıttik ónim iske qosyldy. 6 aıdyń ishinde 600-den astam otbasylyq et fermasy nesıe alyp, baǵdarlamaǵa qosylǵan edi. Nátıjesinde 2018 jyldyń ishinde 19,9 myń tonna sıyr etin shyǵardyq.

«Bul 2017 jylǵy deńgeıden 3,6 esege artyq», - dedi ol.

Esterińizge sala ketsek, 30 qańtardaǵy Úkimettiń keńeıtilgen otyrysynda QR Prezıdenti Nursultan Nazarbaev Aýyl sharýashylyǵy mınıstrliginiń basshylyǵyna jylyna 60 myń tonna et eksporttaý josparyn oryndaýdy tapsyrǵan edi.