Aldaǵy jyldary 1300 shaqyrymnan astam temirjol salynady

<p>QR Premer-Mınıstri Álıhan Smaıylov &laquo;Qazaqstan temir joly&raquo; ulttyq kompanııasynyń qyzmeti jáne elimizdiń kólik-tranzıttik áleýetin odan ári damytý máseleleri jóninde keńes ótkizdi, dep habarlaıdy <a href="https://kaz.inform.kz/news/mangistauda-turmistik-zorlikka-ushiragan-11-ayel-shugil-komek-korsetu-ortaligina-zhugngen-5b8dd2/Kazinform" target="_blank" rel="noopener">Kazinform</a>.</p>

Kólik mınıstri Marat Qarabaevtyń aıtýynsha, bıylǵy 10 aıda júk tasymaldaý kólemi 246 mln tonnany qurady, bul – ótken jyldyń sáıkes kezeńimen salystyrǵanda 3,3%-ǵa artyq. Jyl sońyna deıin 300 mln tonnaǵa jetkizý josparlanyp otyr.

Aldaǵy jyldary elimizdiń tranzıttik áleýetin edáýir arttyratyn, 1300 shaqyrymnan astam temirjol salý josparlanǵan. Atap aıtqanda, bul – Dostyq–Moıynty, Baqty–Aıagóz, Darbaza–Maqtaaral jelileri jáne Almaty mańy aınalma joly.

Sonymen qatar qoldanystaǵy temirjoldardy jóndeý, jańa lokomotıvter men vagondar satyp alý, stansalar men vokzal keshenderin jańǵyrtý jumystary júrgiziletin bolady.

Premer-Mınıstr «QTJ» UK» AQ otandyq taýar óndirýshiler tarapynan kelip túsken barlyq shaǵymdardy jedel taldap, Kólik mınıstrligimen birlese otyryp, júk tasymaly kezindegi kedergilerdi joıý jónindegi pármendi sharalar ázirleý qajettigin atap ótti.