Aldaǵy úsh jylda Ulttyq qor aktıvteri 90 mlrd AQSh dollarynan asýy múmkin

<p>Búgin Májilistiń jalpy otyrysynda &laquo;Qazaqstan Respýblıkasynyń Ulttyq qorynan 2024 - 2026 jyldarǵa arnalǵan kepildendirilgen transfert týraly&raquo; zańy qabyldandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Zań jobasynyń erejeleri Ulttyq qordyń jınaq fýnktsııasyn qamtamasyz etý jónindegi Bıýdjet kodeksiniń talaptaryn eskere otyryp aıqyndalǵan. Bul rette Úkimet kepildendirilgen transferttiń mólsherin ekinshi jyl bıýdjettik qaǵıdalardy qoldana otyryp anyqtady. Bul qaǵıdalar Ulttyq qor qarajatynyń saqtalýyn qamtamasyz etýge jáne onyń valıýtalyq aktıvterin 2030 jylǵa qaraı 100 mlrd AQSh dollaryna deıin jetkizýge yqpal etedi. Zań jobasynda munaıdyń kesimdi baǵasy 2024 jyly barreline 43,4 AQSh dollary, 2025-2026 jyldary barreline 40,2 - 41,8 AQSh dollary deńgeıinde belgilengen. Osyny eskere otyryp, Ulttyq qordan kepildendirilgen transferttiń mólsheri 2023 jyly 2,2 trln teńgeden 2024-2026 jyldary jyl saıyn 2 trln teńgege deıin tómendeýmen aıqyndaldy», - dedi Ulttyq ekonomıka mınıstri Álibek Qýantyrov.

Onyń aıtýynsha, josparly kezeńde Ulttyq qordyń valıýtalyq aktıvteri 2024 jyly 68 mlrd AQSh dollaryna deıin qalpyna keltirilip, odan ári 2025-2026 jyldary 80,7 – 93,3 mlrd AQSh dollaryna deıin ósedi dep eskerilgen.

«Jalpy, Ulttyq qordy orta jáne uzaq merzimdi perspektıvada qalyptastyrý jáne paıdalaný saıasaty Ulttyq qordyń qarajatyn bolashaq urpaq úshin saqtaýǵa baǵyttalǵan», - dedi mınıstr.