Aldaǵy úsh jylda elordada 11 densaýlyq saqtaý nysany salynady

<p>ASTANA. KAZINFORM &ndash; Bul málimetterdi búgin medıtsına qyzmetkerlerin kásibı merekelerimen quttyqtaǵan Astana ákimi Jeńis Qasymbek málim etti.</p>

«Medıtsına qyzmetkerlerin kásibı merekelerimen quttyqtaımyn! Densaýlyq – qolymyzda bar eń qundy nárse, al sizder – bizdiń basty qaharmandarymyz osy jolda kún saıyn toqtaýsyz eńbek etip júrsizder. Elordanyń memlekettik densaýlyq saqtaý sektorynda 12 myńǵa jýyq medıtsına qyzmetkeri jumys isteıdi. Sizderdiń árqaısylaryńyz ultymyzdyń densaýlyǵyna baǵa jetpes úles qosyp kelesizder»,-dedi elorda ákim óziniń  Instagram paraqshasynda.

Sondaı-aq ol qalanyń densaýlyq saqtaý salasyna qatysty birqatar málimetterdi keltirdi.

Ákimniń sózinshe, byltyr emhanalardyń dárigerleri 10 mıllıonnan astam qabyldaý ótkizip, jedel járdem qyzmetkerleri 700 myńnan astam shaqyrtýǵa shyqqan. Elorda statsıonarlary 200 myńǵa jýyq naýqastyń ómirin saqtap qalyp, júz myńnan astam kúrdeli operatsııa jasalǵan. Sizder 30 myńnan astam sábıdiń ómirge kelýine kómektestińizder! Osy sandarǵa qarap-aq úlken jumystaryńyz ben adal eńbekterińiz týraly aıtýǵa bolady.

«Memleket basshysy densaýlyq saqtaý júıesin damytý, dárigerlerdi jan-jaqty qoldaý – memlekettiń basym mindetteriniń biri ekenin atap ótti. Biz medıtsına qyzmetkerleri men naýqastar úshin qolaıly jaǵdaı jasaý boıynsha jumysty jalǵastyramyz»,-dedi Jeńis Qasymbek.

Ol keltirgen málimetterge qaraǵanda, aldaǵy úsh jylda 11 densaýlyq saqtaý nysanyn, onyń ishinde 2 perınataldyq ortalyq, 2 jańa zamanaýı kópsalaly aýrýhana, onyń ishinde balalar aýrýhanasy, 2 memlekettik jáne 5 jeke emhana salý josparanyp otyr.

«Medıtsınalyq uıymdardy zamanaýı tehnıkamen qamtamasyz etý, medıtsına qyzmetkerleriniń biliktiligin arttyrý mańyzdy mindet bolyp sanalady. Aqhalatty jandardy kásibı merekemen quttyqtaımyn! Sizderge zor densaýlyq, baqyt jáne amandyq tileımin!» – dep jazdy elorda ákimi.