Aldaǵy úsh kúnde qar jaýyp, 13 gradýs aıazǵa deıin sýytady
22:42, 10 Sáýir 2024
<p>ASTANA. KAZINFORM — Qazgıdromet sınoptıkteri 11-13 sáýir aralyǵyna arnalǵan úsh kúndik aýa raıy boljamyn jarııalady. </p>
Respýblıka aýmaǵynyń basym bóligi atmosferalyq fronttardyń yqpalynda bolady.
Osyǵan baılanysty túnde jaýyn-shashyn (jańbyr, qar), kúndiz jańbyr jaýady.
11-12 sáýirde elimizdiń shyǵysy men ońtústik-shyǵysynda qatty jaýyn-shashyn boljanady.
Respýblıka boıynsha túngi jáne tańerteńgi ýaqytta tuman túsedi.
Kúndiz batysta, ońtústik aımaqtarda naızaǵaı jarqyldap, ortalyqta, shyǵysta jáne ońtústik-shyǵysta ekpindi jel soǵady.
El aýmaǵynyń basym bóliginde temperatýralyq fonda aıtarlyqtaı aýytqý bola qoımaıdy.
Tek soltústik jáne shyǵys aımaqtarda 12-13 sáýirde túngi ýaqytta aýa temperatýrasy 1-13 aıazǵa deıin tómendeýi múmkin.