Aldaǵy úsh kúnde aýa temperatýrasy 35 gradýsqa deıin ysıdy

<p>ASTANA. KAZINFORM — Qazgıdromet sınoptıkteri 30 mamyr — 1 maýsym aralyǵyna arnalǵan úsh kúndik aýa raıy boljamyn jarııalady. </p>

Aldaǵy úsh táýlikte respýblıkanyń soltústiginde, soltústik-batysynda, shyǵysynda jáne ortalyǵynda, 1 maýsymda batysynda atmosferalyq fronttardyń áserinen qubylmaly aýa raıy saqtalady.

Saldarynan naızaǵaı oınap, burshaq jaýady, ekpindi jel soǵady. 

Elimizdiń ońtústiginde joǵary qysymnyń yqpalymen jaýyn-shashyn toqtaıdy. 

Barents teńizinen keletin joǵary qysym aımaqtarǵa jaıylyp, saldarynan túnde jáne tańerteń mınýs 3 gradýsqa deıin úsik júredi. 

Jalpy respýblıkanyń basym bóliginde kúndiz aýa temperatýrasy joǵarylaıdy. 

Respýblıkanyń batysynda, ońtústiginde 27-35 gradýsqa deıin, soltústik-batysta, soltústikte, ortalyqta 15-25 gradýsqa deıin, ońtústik-shyǵysta 22-27 gradýsqa deıin birte-birte kóteriledi.

Shyǵys oblystarda aýa temperatýrasy 10-20 gradýsqa deıin tómendeıdi.