Aldaǵy úsh kúnde 25 gradýsqa deıin aıaz bolady - Qazgıdromet
«Respýblıkanyń barlyq derlik aýmaǵynda aýa raıynyń turaqsyz sıpaty saqtalady, qar jaýady. Qazaqstannyń ońtústik-batysynda, ońtústiginde, ońtústik-shyǵysynda qar men jańbyr túrinde jaýyn-shashyn boljanady. Eldiń soltústiginde, shyǵysynda jáne ortalyǵynda qarly burqasyn, kóktaıǵaq qubylystary, eldiń basym bóliginde ekpindi jel kútiledi. 12 qarashada Shyǵys Qazaqstan oblysynda, 12-13 qarashada respýblıkanyń ońtústik-shyǵysyndaǵy taýly aýdandarda qalyń qar jaýady. Al eldiń ońtústiginde qatty jaýyn-shashyn (jańbyr, qar) jaýýy múmkin. Tek batysynda, 14 qarashada eldiń ońtústiginde jaýyn-shashynsyz aýa raıy kútiledi», - delingen Qazgıdromet habarlamasynda.
Sınoptıkterdiń habarlaýynsha, Batys oblystarynda aýa temperatýrasynyń túnde 0-11 aıazdan 8 gradýs aıaz-3 gradýs jylýǵa deıin, Qazaqstannyń soltústik-batysynda, soltústiginde, ortalyǵyndaǵy óńirlerde túnde 8-18-den 3-15 gradýs aıaz bolady.13 qarashada aýa temperatýrasynyń túnde 10-25 gradýsqa deıin aıaz bolsa, kúndiz mınýs 5-16 gradýsqa deıin tómendeýi kútiledi. 14 qarashada túnde 7-20 gradýsqa deıin aıaz bolady.