Aldaǵy úsh kún jańbyr jaýyp, úsik júredi

<p>ASTANA. KAZINFORM — Qazgıdromet sınoptıkteri 5-7 qyrkúıek aralyǵyna arnalǵan úsh kúndik aýa raıy boljamyn usynady. </p>

Qazaqstannyń basym bóliginde aýa raıynyń turaqsyz sıpaty saqtalady.

Jańbyr jaýyp, kún kúrkireıdi.

Respýblıkanyń soltústigi men shyǵysynda keı ýaqyttarda qatty jańbyr jaýady.

7 qyrkúıek túnde eldiń shyǵysy men ońtústik-shyǵysyndaǵy taýly aýdandarda jaýyn-shashyn (jańbyr, qar) kútiledi.

Tek Qazaqstannyń batysynda, soltústik-batysynda ǵana antıtsıklon áserinen jaýyn-shashynsyz aýa raıy saqtalady.

Respýblıka boıynsha jel kúsheıedi dep boljanyp otyr.

Túngi jáne tańerteńgi saǵattarda soltústik jáne shyǵys aımaqtarda tuman túsedi.

Topyraq betinde 2 gradýsqa deıin úsik júredi.