Aldaǵy ýaqytta Astana men Samarqand arasynda poıyz qatynaýy múmkin

<p>TAShKENT. KAZINFORM &ndash; Astanada &laquo;Jolaýshylar tasymaly&raquo; AQ men &laquo;Ózbekstan temir joldary&raquo; AQ ókilderi kezdesip, ózara yntymaqtastyq máselelerin talqylady, dep habarlaıdy Kazinform agenttiginiń menshikti tilshisi.</p>

«Qazaqstan temir joly» kompanııasynyn málim etkendeı, kelissóz barysynda Qazaqstan men Ózbekstan arasynda qatynaıtyn týrıstik poıyzdardyń reısin turaqty negizde uıymdastyryp otyrý kelisimine qol qoıyldy. Sonymen qatar, birlesken jobalardy iske asyrý úshin jumys toby quryldy.

- Bul baǵyttaǵy alǵashqy qadamdardyń biri - eki eldiń temirjol kompanııalary uıymdastyrǵan Jibek Joly týrıstik poıyzynyń jolǵa shyǵýy, - delingen habarlamada.

Taraptar artyp kele jatqan suranysqa oraı, Jibek Joly jobasyn jalǵastyrý jáne jańa týrıstik marshrýttar ashý múmkindigin qarastyrdy.

- Qazirgi tańda Astana-Samarqand jańa halyqaralyq temirjol baǵytyn ashý múmkindigi qarastyrylyp jatyr. Bul eki eldiń týrıstik áleýetin odan ári damytýǵa yqpal etedi, - delingen QTJ kompanııasy taratqan habarlamada.

Sondaı-aq, kezdesýde ózbek tarapynyń bastamasymen Almaty-Tashkent poıyzynyń júrý kestesin qaıta qaraý usynyldy. Tıisinshe, endi poıyz Ózbekstanǵa jolaýshylar úshin yńǵaıly ýaqytta kelýi múmkin.

Eske salaıyq, taıaýda Jibek joly týrıstik poıyzy alǵash ret Samarqanǵa keldi.

Buǵan deıin Almatydan Jibek joly 2.0 týrıstik poıyzy jolǵa shyqqanyn habarlaǵan edik.

Sondaı-aq, Ózbekstannan Qazaqstan men Qytaıǵa qatynaıtyn jańa avtobýs reısteri ashylady.

Buǵan deıin habarlaǵanymyzdaı, Qazaqstan men Ózbekstandy baılanystyratyn jańa temirjol jelisi salynyp jatyr.

Qosa ketsek, taıaýda prezıdent Shavkat Mırzıeev Qazaqstan men Ózbekstan shekarasynan jeke kýálikpen ótý tártibi engizilýi múmkin ekenin málim etti.