Aldaǵy ýaqytta 24 memlekettik qyzmet avtomattandyrylady

<p>ASTANA. KAZINFORM &ndash; QR Memlekettik qyzmet isteri agenttigi tóraǵasynyń orynbasary Salaýat Múksimovtiń sózinshe, kórsetilgen memlekettik qyzmetterdiń 26 túri boıynsha elektrondyq tásil belgilenedi.</p>

Onyń paıymdaýynsha, qyzmet kórsetý isinde tsıfrlyq tásildi qoldanbaý - qaǵazbastylyqqa alyp keledi. Buny buǵan deıin júrgizilgen tájirıbe de aıqyndap otyr. 

- Bul óz kezeginde múddeler qaqtyǵysy men sybaılas jemqorlyq táýekelderi bolyp tabylady. Bıyl mundaı qyzmetterdiń úlesi 96%-ǵa jetti. Kelesi jyldyń sońyna deıin memlekettik qyzmettiń 12 túri tolyǵymen elektrondyq formatqa aýystyrylady», - dedi spıker OKQ alańynda ótken baspasóz konferentsııasynda.

Sonymen qatar, 24 qyzmet boıynsha kelisý protsesi avtomattandyrylady. Anyqtamalyq sıpattaǵy 8 qyzmet elektrondyq úkimet portalyndaǵy jeke kabınetke aýystyrylady. Endi memlekettik organdar málimetterdi aqparattyq júıelerden alatyndyqtan, azamattar ár qujat surap ár kabınettiń tabaldyryǵyn tozdyrmaıdy. Bul ýaqyt únemdeýge óte qolaıly, - deıdi spıker.

Budan bólek, Memlekettik qyzmettiń 48 túri boıynsha usynylatyn qujattar tizbesi ońtaılandyrylady. Bul shamamen 550 myń qujat. Atap aıtqanda, medıtsınalyq anyqtamalar, bilim týraly dıplomdar, eńbek kitapshalary men sharttar jáne t.b.