Aldaǵy eki jylda oblysaralyq baǵyttaǵy 7 myń shaqyrym jolǵa eki qabat asfalt tóseledi

<p>ASTANA. KAZINFORM &ndash; Aldaǵy eki jylda &laquo;Jezqazǵan &ndash; Petropavl&raquo;, &laquo;Shalqar &ndash; Qandyaǵash&raquo;, &laquo;Qaraǵandy &ndash; Qarqaraly&raquo;, &laquo;Semeı &ndash; Qaınar&raquo; jáne &laquo;Semeı &ndash; Barnaýl&raquo; baǵytyndaǵy joldarǵa eki qabat asfalt tóseledi.</p>

Úkimet otyrysynda Kólik mınıstri Marat Qarabaev osyndaı josparyn bólisti.

«Buryn biz negizinen qarajat kózin halyqaralyq dálizder men oblys ortalyqtaryn qosatyn kúre joldarǵa baǵyttaǵan bolatynbyz. Oblysaralyq respýblıkalyq joldar kóp jyldardan beri jóndeý jumystarymen qamtylmaǵan bolatyn. 

Atalǵan máseleni túbegeıli sheshý úshin respýblıkalyq deńgeıdegi 7 myń shaqyrymdy qamtıtyn aýqymdy jobalardy bastadyq.

Bıyl Qazaqstan Damý Bankiniń qarajaty esebinen atalǵan joldardyń 2 myń 500 shaqyrymyn ortasha jóndeý jumystary bastaldy. Kelesi jyly qalǵan 4 myń 500 shaqyrymda jumystar jalǵasady», - dedi ol.

Vedomstvo basshysy bul joldarǵa jańa tásilin qoldanylatynyn aıtty.

«ıAǵnı, jól tósemesin «resaıklıng» ádisimen bekitip, 2 qabat asfalt jabyny salyp jatyrmyz. Atalǵan tehnologııa joba qunyn rekonstrýktsııamen salystyrǵanda 7 esege arzandatýǵa jáne 2 ese jyldam jóndeýge múmkindik beredi.

Bul jobalardyń qataryna 20 jyldan beri jóndeý kezegin kútip otyrǵan «Jezqazǵan – Petropavl», «Shalqar – Qandyaǵash», «Qaraǵandy – Qarqaraly», «Semeı – Qaınar» jáne «Semeı – Barnaýl» sııaqty iri jobalardyń kirgenin atap ótken jón», - dedi Marat Qarabaev.