Aldaǵy eki kúnde ońtústiktegi úsh óńirde ózender tasýy múmkin

<p>ASTANA. KAZINFORM &ndash; &laquo;Qazgıdromet&raquo; respýblıkalyq memlekettik kásipornynyń baspasóz hatshysy Alına Ysmaǵulova 12-14 sáýir aralyǵynda Almaty, Jambyl, Túrkistan oblystarynda ózender tasýy múmkin ekenin aıtty.</p>

«12-14 sáýir aralyǵynda Túrkistan jáne Jambyl oblystarynyń taýly jáne taý etegindegi aýdandarynda qatty jaýyn-shashyn boljanyp otyr. Osyǵan baılanysty betkeılerden sý júrip, ózenderde sý deńgeıi kóterilýi múmkin. Sonymen qatar avtojoldarda, eldi mekendermen sharýashylyq qurylystarda sý jaıylýy yqtımal. Sondaı-aq, qatty jaýyn-shashyn boljamyna baılanysty Almaty oblysynyń taýly jáne taý etegindegi aımaqtarynda, Almaty qalasynyń mańyndaǵy taýly aımaqtarda betkeılerden sý júrip, ózenderde sý deńgeıiniń kóterilýinen eldi mekender men sharýashylyq qurylystarǵa sý jaıylýy múmkin», - dedi «Qazgıdromet» ókili.

Onyń sózinshe, 12-14 sáýir kúnderi Soltústik Qazaqstan oblysynyń Qyzyljar aýdany men Petropavl qalasynda jaýyn-shashynnyń áserinen aıdyndarda muz kóship, Esil ózeni arnasynan asyp ketýi múmkin.

«Esildiń deńgeıi qaýipti mejeden assa, ózenniń tómengi aǵysynda, jaıylma aýmaqtarynda jatqan eldi mekenderdi, sharýashylyq qurylystar men jergilikti mańyzy bar joldardy sý basýy yqtımal. Petropavl qalasyndaǵy Esil ózeniniń gıdrologııalyq beketinde sý deńgeıiniń kúrt kóterilýi baıqaldy – táýlik ishinde 224 santımetrge jetip otyr. 11 sáýir, saǵat 8.00-degi jaǵdaı boıynsha sý deńgeıi – 894 santımetr bolǵan. Qaýipti deńgeı – 980 santımetr», - dedi Alına Ysmaǵulova.