Aldaǵy demalystarda respýblıkanyń keıbir óńirlerinde kún 3 gradýsqa deıin sýytady – sınoptıkter
12:37, 24 Mamyr 2024
<p>ASTANA. KAZINFORM – «Qazgıdromet» RMK demalys kúnderine arnalǵan aýa raıy boljamyn jarııalady.</p>
«Aldaǵy úsh kúnde respýblıkadaǵy aýa raıyn soltústik tsıklon qalyptastyrdy, ol ózimen birge qar aralas jańbyr, naızaǵaı, burshaq jáne ekpindi jel ákeledi. 25-27 mamyrda eldiń soltústiginde, 25-26 mamyr kúnderi ortalyq jáne ońtústik-shyǵys oblystarda, 26 mamyrda shyǵysta jańbyr, qar jaýady. Óz kezeginde, Skandınavııa aımaqtarynan keletin aýqymdy antıtsıklon yqpalymen respýblıkanyń batysynda kún ashyq bolady», dep habarlady «Qazgıdromet» RMK.
Jaqyndap kele jatqan salqyn aýa massalary áserinen 25 mamyrda batysta, soltústik-batysta, soltústikte, 26 mamyrda ortalyqta, 27 mamyrda shyǵysta, ońtústik-shyǵysta, 26-27 mamyrda Ońtústik Qazaqstannyń taýly aımaqtarynda túnde jáne tańerteń aýanyń temperatýrasy 3 gradýsqa deıin tómendeıdi.