Aldaǵy demalystarda kún jylyna túsedi - sınoptıkter

<p>ASTANA. KAZINFORM &ndash; Demalys kúnderi respýblıkanyń basym bóliginde kún bulttanyp, jaýyn-shashyn, burqasyn, ekpindi jel jáne kóktaıǵaq bolady, dep habarlaıdy &laquo;Qazgıdromet&raquo; RMK.</p>

Demalys kúnderi Qazaqstan boıynsha sınoptıkalyq jaǵdaıdy Skandınavııanyń soltústigindegi atlantıkalyq tsıklon anyqtaıdy.

Eldiń basym bóliginde kún bulttanyp, jaýyn jaýady, ekpindi jel soǵyp, kóktaıǵaq bolady.

Tek ońtústik óńirler áli de antıtsıklon yqpalynda bolyp, munda negizinen kún jaýyn-shashynsyz bolady. Atlantıkalyq tsıklon sondaı-aq respýblıkanyń barlyq derlik aýmaǵynda temperatýranyń birtindep joǵarylaýyna sebepshi bolady.