Aldaǵy bes jylda Eýropadan Qazaqstanǵa 40 Prjevalskıı jylqysy ákelinedi

<p>ASTANA. KAZINFORM &ndash; Ekologııa jáne tabıǵı resýrstar mınıstri Erlan Nysanbaev elimizde Prjevalskıı jylqysyn qaıta jersindirý jumystary qalaı júrip jatqanyn baıandady.</p>

Buryn bul jylqylar elimizdiń 9 oblysyn (Aqtóbe, Qostanaı, Qaraǵandy, Aqmola, Shyǵys Qazaqstan, ishinara Almaty, Qyzylorda, Jambyl jáne Túrkistan) meken etken.

«Prjevalskıı jylqysy álemdik jabaıy tabıǵattan 1960-jyldardyń sońyna qaraı joıylyp ketken bolatyn. Alaıda, mınıstrliktiń halyqaralyq uıymdarmen yntymaqtastyǵynyń arqasynda bıyl Qostanaı oblysyndaǵy «Altyn Dala» rezervatyna Praga haıýanattar baǵynan alǵash ret 7 Prjevalskıı jylqysy (6 bıe, 1 aıǵyr) ákelindi. Jalpy 2029 jylǵa deıin (Chehııadan nemese Majarstannan – red.) 40 jylqy ákelý josparlanyp otyr», - dedi mınıstr Úkimet úıinde ótken baspasóz máslıhatynda.

Buǵan deıin Erlan Nysanbaev Qazaqstanǵa Nıderlandydan jetkizilgen jolbarystardyń alǵashqy qysy qalaı ótip jatqanyn aıtyp berdi.

Sondaı-aq, 1 qańtardan bastap, Qazaqstanda kóshpeli tsırkter men zoobaqtarǵa tyıym salynady.